आंतरराष्ट्रीय सहकार वर्षाच्या निमित्ताने महाराष्ट्र राज्य पतसंस्था फेडरेशनच्या वतीने आयोजित केलेल्या सहकार दिंडीचे स्वागत.

आंतरराष्ट्रीय सहकार वर्षाच्या निमित्ताने महाराष्ट्र राज्य पतसंस्था फेडरेशनच्या वतीने आयोजित केलेल्या सहकार दिंडीचे स्वागत.

रविवार दि.2 फेब्रुवारी रोजी शिवतीर्थ पोवई नाका,सातारा येथे शिवाजी महाराज यांच्या पुतळ्यास अभिवादन करून करण्यात आले.
यावेळी महाराष्ट्र राज्य पतसंस्था फेडरेशनचे अध्यक्ष मा.श्री काका कोयटे यांनी आपल्या मनोगतामध्ये सहकार पंढरी असलेल्या सातारा जिल्ह्यामध्ये सहकार दिंडीचे उस्फूर्त स्वागत झाल्याने समाधान व्यक्त केले त्याचप्रमाणे पतसंस्था समोरील आव्हानांचा अभ्यास करून त्यावर तोडगा काढण्यासाठी चर्चा सत्र केले त्याचप्रमाणे सातारा जिल्ह्यातून मोठ्या संख्येने कार्यकर्त्यांनी सहकार परिषदेस उपस्थित राहण्यास संदर्भात आवाहन केले व आंतरराष्ट्रीय स्तरावरून परदेशी सहकारामध्ये काम करणारे तज्ञ उपस्थिती देणार आहेत त्यांच्या मार्गदर्शनाचा लाभ भविष्यात पतसंस्था चळवळीस होणार आहे असे देखील त्यांनी आपल्या मनोगतात सांगितले.
शिवकृपा सहकारी पतपेढी चे संस्थापक उपाध्यक्ष मा श्री चंद्रकांत वंजारी सो यांनी देखील आपले मनोगत व्यक्त केले त्यांनी आपल्या मनोगतांमध्ये युवक वर्गास पतसंस्था चळवळीमध्ये सक्रिय होणे काळाची गरज आहे व सहकार दिंडीचे नियोजन करण्यामागचा हेतू विशद केला
सातारा जिल्हा पतसंस्था फेडरेशनचे अध्यक्ष मा श्री विनोद कुलकर्णी यांनी देखील आपल्या मनोगतांमध्ये सहकार विभागाने बँका व पतसंस्था यांना एकच निकष लावू नये तसेच शासनाने बँका प्रमाणे पतसंस्था सिबिल मध्ये स्थान द्यावे करंट खाते चालू करण्याची परवानगी द्यावी तसेच नेट एनपी ए टप्प्याने लागू करावेत तसेच कोरोना काळात सर्वाधिक पतसंस्था चळवळी समोर अडचणी निर्माण झाल्या आहेत त्यामुळे चळवळ टिकवणे ही शासनाची देखील जबाबदारी आहे असे त्यांनी आपल्या मनोगतामध्ये व्यक्त केले
इतर सहकार क्षेत्रातील मान्यवरांनी देखील आपली मनोगते व्यक्त केली या सहकार दिंडीस मा श्री जे पी शिंदे सहाय्यक निबंधक सातारा मा सौ प्रीती काळे मॅडम सहाय्यक निबंधक कोरेगाव शिवशक्ती पतसंस्थेचे श्री प्रभाकर साबळे साई शक्ती पतसंस्थेचे श्री व्यंकटराव मोरे धन्वंतरी पतसंस्थेचे अधिकारी,सातारा जिल्हा निबंधक व उपनिबंधक कार्यालयातील अधिकारी तसेच इतर सहकार चळवळीतील कार्यकर्ते सहकारी पतसंस्थेतील पदाधिकारी अधिकारी व कर्मचारी मोठ्या संख्येने उपस्थित होते या सहकार दिंडीचा समारोप शनिवार दि‌‌.8 फेब्रुवारी रोजी शिर्डी येथे पतसंस्था फेडरेशन तर्फे आयोजित करण्यात आलेल्या सहकार परिषदेत होत आहे